ເວັບສະເຕີ້

ເວັບສະເຕີ້ 12/03/2019 | 19 h 30 - 21 h 00

ອາລີ ເອັນດີໄອ, ນາມແຝງ ເວັບສະເຕີ້, ເກີດແລະໃຫຍ່ ທີ່ເຂດບ້ານ ລີມົວລູ ທີ່ ເກເບັກ. ມີພໍ່ເປັນຄົນເຊເນກາລ ແລະ ແມ່ເປັນຄົນເກເບັກ, ເວັບສະເຕີ້ ມີຄວາມພູມໃຈໃນສາຍເລືອດ ເຊເນການ-ເກເບັກ. ດ້ວຍຄວາມຫຼົງໄຫຼໃນປະຫວັດສາດ ຈຶ່ງເຮັດໃຫ້ລາວມີຄວາມສົນໃຈຄົ້ນຄ້ວາສະເພາະດ້ານ ໃນຂັ້ນມະຫາວິທະຍາໄລ.

ເວັບສະເຕີ້ ເປັນສີລະປິນສາຍຮິບຮັອບ ແລະ ນັກເຄື່ອນໄຫວກິດຈະກໍາຕ້ານການຈໍາແນກເຊື້ອຊາດ, ໄດ້ຮ່ວມກິດຈະກໍາທາງສັງຄົມ : ຮ່ວມບັນຍາຍໃນກອງປະຊຸມກ່ຽວກັບອິດທິພົນຂອງຮິບຮັອບໃຫ້ກັບໄວໜຸ່ມ ແລະ ຄໍາຖາມກ່ຽວກັບ ພະຫຸວັດທະນະທໍານິຍົມ ຫຼື ຄວາມຫຼາກຫຼາຍທາງວັດທະນະທໍາ ທີ່ ເກເບັກ. ຫົວຂໍ້ທີ່ລາວມັກຫຼາຍ ແມ່ນປະຫວັດຄວາມເປັນມາ ຂອງ ການເຂົ້າມາຕັ້ງຖິ່ນຖານຂອງຄົນຜິວດໍາ ທີ່ເກເບັກ ແລະ ປະເທດການາດາ.

ຕັ້ງແຕ່ ປີ 2009, ເວັບສະເຕີ້ ເດີນສາຍຈັດການຝຶກອົບຮົມແກ່ໄວໜຸ່ມ ກ່ຽວກັບການຂຽນ-ການປະພັນແບບສ້າງສັນ ດ້ວຍການໃຊ້ພາສາຝຣັ່ງ ຈາກ ການາດາ ໄປຫາ ສະຫະລັດອາເມລິກາ. ລາວໄດ້ສ້າງກິດຈະກໍາດັ່ງກ່າວໃນບັນດາມະຫາວິທະຍາໄລທີ່ມີຊື່ສຽງຂອງສະຫະລັດອາເມລິກາ ທີ່ ຮາເວີດ, ວໍຊິງຕັນດີຊີ ແລະ ສະຖາບັນ M.I.T ທີ່ ບອສຕັ້ນ.

ໃນເລື່ອງດົນຕີ, ລາວໄດ້ເລີ່ມສ້າງຜົນງານ ຕັ້ງແຕ່ປີ 1995, ເປັນສະມາຊິກ ແລະ ຜູ່ກໍ່ຕັ້ງກູ່ມສີລະປິນ Limoilou Starz, ເປັນທັງໜື່ງໃນຜູ້ນຳຂອງເວທີຮິບຮັອບໃຫຍ່ໆຂອງປະເທດ, ເຊິ່ງຜົນງານປະພັນເປັນທີ່ຍອມຮັບ ເຖິງແນວຄິດສ້າງສັນຂອງເນື້ອໃນບົດ. ສີລະປະຂອງເວັບສະເຕີ້ ເປັນເຄື່ອງມືທີ່ໄດ້ຮັບການຫຼໍ່ຫຼອມຜ່ານມາສອງທົດສະວັດ ເພື່ອສືບຕໍ່ອຸດົມການ ດ້ວຍການນຳໃຊ້ສະຕິປັນຍາ ແລະ ຄວາມຮູ້ທາງດ້ານວັດທະນະທໍາ.

ສະຖານທີ່
Institut français du Laos