ແຟຊັ່ນ ລາວ, ກິດຈະກໍາສ້າງສັນ ລາວ-ຝຣັ່ງ-ເຢຍລະມັນ !

ແຟຊັ່ນ ລາວ, ກິດຈະກໍາສ້າງສັນ ລາວ-ຝຣັ່ງ-ເຢຍລະມັນ ! 24/06/2019 - 12/09/2019 | ຫມົດ​ມື້

ສະຖາບັນຝຣັ່ງ ແລະ ສະຖານທູດເຢຍລະມັນ ປະຈໍາລາວ ໄດ້ຈັດ ເວີກຊັອບ / ການພົບປະ ໃຫ້ ນັກອອກແບບໜຸ່ມ ໃນຂອບເຂດວຽກງານ ຂອງ ກອງທຶນວັດທະນະທໍາ ຝຣັ່ງ–ເຢຍລະມັນ ປີ 2019.

ກິດຈະກໍາດັ່ງກ່າວ ໄດ້ເຊີນ 3 ນັກອອກແບບໜຸ່ມ ຈາກ ສາມຊາດ ເພື່ອຮ່ວມປະດິດຜົນງານແຟຊັ່ນ ຈາກ ຄວາມລະອຽດອ່ອນປານີດ ແລະ ໃນຮູບແບບສະເພາະຂອງຕົນ ໂດຍການນຳໃຊ້ ຜ້າແພລາວ.

ການພົບກັນຄັ້ງທໍາອິດ ຂອງ ນັກອອກແບບທັງສາມຄົນ ຕັ້ງແຕ່ ວັນທີ 24/06 ຫາ ວັນທີ 28/06, ໄດ້ເຮັດໃຫ້ສາມາດສະຫຼຸບແບບແຜນການເຮັດວຽກ : ຮູບແບບການສ້າງຜົນງານ, ຈໍານວນຜົນງານທີ່ຈະສ້າງ, ຮູບແບບການເຮັດວຽກຮ່ວມກັນ … ຫຼັງຈາກນັ້ນ, ລະຫວ່າງ ວັນທີ 29/08 ຫາ ວັນທີ 12/09, ທັງສາມຄົນ ຈະກັບມາທີ່ ວຽງຈັນ ເພື່ອລົງມືສ້າງຜົນງານ ທີ່ຈະນໍາໄປສະແດງສູ່ມວນຊົນ ໃນງານ ລາວແຟຊັ່ນວິກ ໃນ ເດືອນກັນຍາ 2019.

ສີອໍາພັນ ຈັນທະວີຈິດ, ນາມແຝງ ບິລລີ່ (ລາວ), ຜູ່ຊະນະເລີດ ລາງວັນ Lao Fashion Young Designer ຄົນທໍາອິດ ປີ 2015. ໄດ້ຮັບທຶນໄປສຶກສາ ຫຼັກສູດ Esmod Paris ທີ່ ນະຄອນຫຼວງປາຣີ ເປັນເວລາ 6ເດືອນ.

ອາມັອງດີນ ນິໂກລ່າ (ຝຣັ່ງ) ບັນດິດຄົນໃໝ່ໄຟແຮງ ຈາກ ຫຼັກສູດ Esmod Paris, ຫຼັງຈາກ ສຳເລັດການສຶກສາ ທີ່ ໂຮງຮຽນອອກແບບ (l’École de la Chambre syndicale de la Couture parisienne) ເປັນ ເວລາ 3ປີ.

ອີລເກິ ໂຊລຊ໌ (ເຢຍລະມັນ) ນັກອອກແບບຜ້າແພ, ຈົບການສຶກສາລະດັບປະລິນຍາໂທ ດ້ານອອກແບບຜ້າແພ ຈາກ ມະຫາວິທະຍາໄລ ຮາມບຸກຄ໌ (Hambourg).

ຈາກ ຊ້າຍ ຫາ ຂວາ : ສີອໍາພັນ ຈັນທະວີຈິດ, ນາມແຝງ ບິລລີ່, ອາມັອງດີນ ນິໂກລ່າ (ຝຣັ່ງ), ທ່ານ ນາງ ຟລໍຣັອງສ ຊັອງບລັອງ ຣີສແລກ ເອກອັກຄະລັດຖະທູດຝຣັ່ງ ປະຈໍາ ລາວ, ທ່ານ ເຢນສ໌ ລຸກເກັນແຮມ ເອກອັກຄະລັດຖະທູດເຢຍລະມັນ ປະຈໍາ ລາວ, ແລະ ອີລເກິ ໂຊລຊ໌ (ເຢຍລະມັນ).

ສະຖານທີ່
Institut français du Laos