MyFrenchFilmFestival

MyFrenchFilmFestival 18/01/2019 - 18/02/2019 | ຫມົດ​ມື້

ໃນຊ່ວງວັນທີ 18 ມັງກອນ ເຖິງ 18 ກຸມພາ2019, ຄໍແຟນໜັງທຸກທ່ານທົ່ວໂລກ ຈະສາມາດເຂົ້າຮັບຊົມໜັງທີ່ໄດ້ຮັບການຄັດເລືອກ ສຳລັບເທດສະການໜັງອອນລາຍໂລກ ຄັ້ງທີ່ 9 ຊຶ່ງຄັ້ງທຳອິດໄດ້ຖືກຈັດຂື້ນໂດຍ UniFrance ໃນປີ 2010.
MyFrenchFilmFestival ໄດ້ກາຍເປັນເວັບໄຊນັດພົບປະຈຳປີຂອງຄໍແຟນໜັງຝຣັ່ງ ແລະ ໜັງທີໃຊ້ພາສາຝຣັ່ງທົ່ວໂລກ. ເທດສະການນີ້ຈະຖືກຈັດຂື້ນເປັນເວລາ 1 ເດືອນ ປະກອບມີ ໜັງສາລະຄະດີ 10 ເລື່ອງ ແລະ ໜັງສັ້ນ 10 ເລື່ອງຈາກການປະກວດ. ນອກເນືອຈາກການປະກວດ ຍັງມີ ເລື່ອງໜັງ&ໜັງສັ້ນ, ໜັງຊີຣີ ແລະ ບົດເລື່ອງໜັງໃໝ່.
ສຳລັບປີນີ້, ມີຫຼາຍກວ່າ 50 ເວັບໄຊໃນທົ່ວໂລກ ແລະ ມີໜັງທີ່ໄດ້ຖືກແປເປັນພາສາຕ່າງປະເທດ ອີກ 11 ພາສາ: ພາສາຝຣັ່ງ, ອັງກິດ, ສະເປນ, ປອກຕຸຍກີ, ອີຕາລີ, ເຢຍລະມັນ, ຍີ່ປຸ່ນ, ຣັດເຊຍ, ໂປແລນ, ເກົາຫຼີ ແລະ ພາສາຈີນ(ທີ່ເພີ່ມໃໝ່ໃນປີ 2019)

ການຄັດເລືອກ
ໃນການຄັດເລືອກ ແມ່ນປະກອບມີໜັງຝຼັ່ງ, ພ້ອມດ້ວຍໜັງຈາກປະເທດແບນຊິກ (ຮ່ວມກັບ Wallonie-Bruxelles) ແລະ ໜັງຈາກປະເທດການາດາ (ຮ່ວມກັບ Telefilm Canada)
ເທດສະການນີ້ ໄດ້ຖືກຈັດຂື້ນເປັນ 6 ຫົວຂໍ້ ຊຶ່ງລວມມີທັງໜັງທົ່ວໄປ ແລະ ໜັງສັ້ນ: What the F … rench!?, Family Business, Women at War, In your Face, Love “à la française”. ໃນຫົວຂໍ້ທີ6, “New Horizons”, ຊຶ່ງເປັນຮູບແບບໃຫມ່ຂອງການຂຽນ ໃນຮູບແບບvirtual reality, ມິວສິກວິດີໂອ ແບບ interactive, ເຊັ່ນດຽວກັນກັບສອງຕອນທຳອິດຂອງຫນັງຊີຣີຍອດຮິດ Le Bureau des Légendes.
ເຊັ່ນດຽວກັບທຸກໆປີ, ຈະມີຫນັງ2ເລື່ອງທີ່ໄດ້ຮັບການຄັດເລືອກ ແລະ ນອກເຫນືອຈາກງານປະກວດ ຍັງປະກອບມີຫນັງ: Mauvais sang ໂດຍ Leos Carax ແລະ ຫນັງ La Jetée ໂດຍ Chris Marker.

ວິທີການເຂົ້າຮັບຊົມຫນັງ
ທ່ານສາມາດ ເຂົ້າເບິ່ງຫນັງທຸກເລື່ອງ ໂດຍເຂົ້າໄປທີ່ ເວັບໄຊ MyFrenchFilmFestival.com ແລະ ອີກ 50 ເວັບໄຊທົ່ວໂລກ ໃນນັ້ນລວມມີ IFLIX ສຳລັບປະເທດລາວ.
ລາຄາຫນັງຕໍ່ເລື່ອງ ແມ່ນ 1,99 € ແລະ 7,99€ ສຳລັບຫນັງທັງຫມົດຈາກເທດສະການ ໃນເວັບໄຊ MyFrenchFilmFestival.com . ສຳລັບຫນັງສັ້ນທັງຫມົດ ແມ່ນຟຣີໃຫ້ດາວໂລດທົ່ວໂລກ.

ການມອບລາງວັນ
ທຸກຄົນແມ່ນສາມາດໃຫ້ຄະແນນ, ຄຳຄິດເຫັນ ແລະ ແບ່ງປັນຫນັງທັງຫມົດໄດ້. ເລື່ອງຫນັງ ແລະ ຫນັງສັ້ນທີ່ໄດ້ຮັບຄະແນນຫລາຍທີ່ສຸດ ຈະໄດ້ຮັບລາງວັນ Lacoste Public Prize.
ອີກ2 ລາງວັນທີ່ຈະໄດ້ຖືກປະກາດຄື: ລາງວັນFilmmakers’ Prize, ປະກອບດ້ວຍກຳມະການທີ່ເປັນຜູ້ສ້າງຫນັງຕ່າງປະເທດ ແລະ ລາງວັນ International Press Prize ທີ່ປະກອບດ້ວຍກຳມະການນັກຂ່າວ 5 ທ່ານ
ຫນັງທີ່ໄດ້ຮັບລາງວັນ ລວມທັງຫນັງປົກກະຕິ ແລະ ຫນັງສັ້ນ ຈະຖືກຈັດສາຍໃນສາຍການບິນຝຣັ່ງ Air France ເປັນເວລາ6ເດືອນ.

ສະຖານທີ່
Institut français du Laos