ງານເທດສະການ ຮູບເງົາ ແລະ ອາຫານ ເອີຣົບ ກາງແຈ້ງຄັ້ງທຳອິດໃນວຽງຈັນ

ງານເທດສະການ ຮູບເງົາ ແລະ ອາຫານ ເອີຣົບ ກາງແຈ້ງຄັ້ງທຳອິດໃນວຽງຈັນ 26/11/2019 - 30/11/2019 | ຫມົດ​ມື້

ສະຫະພາບເອີຣົບ ປະຈຳລາວ ແລະ ສະຖານທູດຂອງບັນດາປະເທດສະມາຊິກ ເອີຣົບ ຮ່ວມກັນຈັດງານເທດສະການຮູບເງົາເອີຣົບ ຂຶ້ນຄັ້ງທຳອິດໃນລາວ ເຊິ່ງຈະຈັດຂື້ນ ໃນລະຫວ່າງ ວັນທີ 26-30 ພະຈິກ ທີ່ນະຄອນຫຼວງວຽງຈັນ, ສຳລັບງານຄັ້ງທຳອິດນີ້ຈະສາຍຮູບເງົາເອີຣົບຢູ່ 12 ເລື່ອງ, ທີ່ສະທ້ອນໃຫ້ເຫັນເຖິງຄວາມຫຼາກຫຼາຍທາງດ້ານຂອງມູມມອງ, ດ້ານປະຫວັດສາດ ແລະ ດ້ານວັດທະນະທຳຈາກທົ່ວເອີຣົບ, ນັ້ນກໍ່ແມ່ນເພື່ອເປັນການສົ່ງເສີມການຮ່ວມມືທາງດ້ານວັດທະນະທຳ ລະຫວ່າງ ບັນດາປະເທດສະມາຊິກສະຫະພາບເອີຣົບ ແລະ ປະເທດລາວ. ພາຍໃນໜຶ່ງອາທິດນີ້, ຊາວເອີຣົບຈະນຳເອົາບັນດາຮູບເງົາທີ່ໄດ້ຮັບລາງວັນຈາກງານມະຫະກຳຮູບເງົາຕ່າງໆ, ທີ່ຍັງບໍ່ເຄີຍໄດ້ສາຍມາກ່ອນຢູ່ນະຄອນຫຼວງວຽງຈັນ. ງານດັ່ງກ່າວນີ້ແມ່ນບໍ່ໄດ້ເສຍຄ່າເຂົ້າຊົມ. ງານບຸນມະຫະກຳສາຍຮູບເງົານີ້ແມ່ນຈະເລີ່ມຕົ້ນຂຶ້ນໃນວັນທີ 26 ພະຈິກທີ່ ສຳນັກງານສະຫະພາບເອີຣົບ, ຕໍ່ມາ ວັນທີ 27-28 ພະຈິກແມ່ນສາຍຮູບເງົາຢູ່ທີ່ສະຖາບັນຝຣັ່ງ, ວັນທີ 28 ພະຈິກ,ສາຍຢູ່ສະຖານທູດອັງກິດ, ແລະ ໃນວັນທີ 29-30 ພະຈິກ ແມ່ສາຍຢູ່ໃນຈໍໃຫຍ່ຢູ່ແຄມຂອງ ທີ່ສວນເຈົ້າອະນຸວົງ (ລານເສົາຫຼັກທຸງ). ພ້ອມດຽວກັນກັບງານເທດສະການຮູບເງົາ, ແມ່ນງານເທດສະການອາຫານເອີຣົບຄັ້ງທີ 8 ເຊິ່ງຈະຈັດຂື້ນ ໃນວັນທີ 29-30 ພະຈິກ ທີ່ແຄມຂອງ. ງານຈະເລີ່ມຕົ້ນຂຶ້ນໃນເວລາ 11:00 ໂມງເຊົ້າ ເຖິງ 10:00 ໂມງແລງ, ຈະມີຮ້ານຫຼາຍກວ່າສິບຮ້ານເຂົ້າຮ່ວມໃນງານດັ່ງກ່າວນີ້, ລວມທັງຮ້ານອາຫານຝຣັ່ງ, ແອັດສະປາຍ, ອີຕາລີ, ເຢຍລະມັນ, ແບນຊິກ ແລະ ຣັດເຊຍ. ນອກຈາກນັ້ນ, ມວນຊົນລາວ ກໍ່ຈະມີໂອກາດໄດ້ສຳພັດທ່ຽວຊົມຊີມອາຫານເອີຣົບທີ່ໜ້າແຊບຊ້ອຍໃນລາຄາທີ່ເໝາະສົມ.

ສະຖານທີ່
Institut français du Laos