ສະຖາບັນຝຣັ່ງ ປະຈໍາລາວ

iflaos-batiment
ສໍານັກງານໃຫຍ່ ສະຖາບັນຝຣັ່ງ ຕັ້ງຢູ່ ນະຄອນຫຼວງວຽງຈັນ ແລະ ຫ້ອງການ ສູນວັດທະນະທໍາ ທີ່ ແຂວງຫຼວງພະບາງ.

ສ້າງຕັ້ງ ໂດຍຂື້ນກັບ ສະຖານທູດ ໃນນາມພະແນກພາສາສາດ, ແລະ ໄດ້ຖືກປະກາດເປັນ ສູນພາສາຝຣັ່ງ ໃນ ວັນທີ 14 ມັງກອນ 1994, ໂດຍ ທ່ານເຈົ້າຄອງ ນະຄອນຫຼວງປາຣີ ທ່ານ ຊັກເກີ ຊີຣັກ.ມາຮອດ ເດືອນມັງກອນ 1995, ໄດ້ກາຍມາເປັນ ອົງການຈັດຕັ້ງທີ່ກຸ້ມຕົນເອງດ້ານການເງິນ ໃນນາມ “ສູນວັດທະນະທໍາ ແລະ ການຮ່ວມມືດ້ານພາສາສາດ”.ຫຼັງຈາກປ່ຽນ ມາເປັນ ສະຖາບັນຝຣັ່ງ, ກໍ່ຍັງສືບຕໍ່ ມີບົດບາດສໍາຄັນ ໃນວຽກງານ ການຮ່ວມມືດ້ານວັດທະນະທໍາ ແລະ ມະຫາວິທະຍາໄລ ຝຣັ່ງ ທີ່ ສປປ ລາວ.

ການເຄື່ອນໄຫວກິດຈະກໍາ ຂອງ ສະຖາບັນຝຣັ່ງ ແມ່ນ ປິ່ນອ້ອມໃນ 3 ຂົງເຂດວຽກງານໃຫຍ່ :

ການສອນພາສາ : ຫຼັກສູດສອນພາສາທີ່ຫຼາກຫຼາຍ : ພາສາຝຣັ່ງ, ພາສາລາວ ແລະ ພາສາອັງກິດ.ສະຖາບັນຝຣັ່ງ ສາມາດຕ້ອນຮັບ ນັກຮຽນ ໄດ້ຫຼາຍກ່ວາ 2000 ຄົນໃນແຕ່ລະປີ. ສະຖານທີ່ຮຽນ ຕັ້ງຢູ່ ສໍານັກງານໃຫຍ່ ຖະໜົນລ້ານຊ້າງ, ທີ່ ສູນວັດທະນະທໍາ ລາວ-ຝຣັ່ງ ແຂວງຫຼວງພະບາງ ແລະ ທີ່ ສູນກິດຈະກໍາຝຣັ່ງໂກໂຟນ ວິທະຍາເຂດດົງໂດກ.

ຫ້ອງສະໝຸດ : ເປັນສູນລວມປຶ້ມ ຫຼາຍກ່ວາ 25000 ຫົວ, ວາລະສານ, ດີວີດີ, ຊີດີ ແລະ ປຶ້ມອ່ານເອເລັກໂຕລນິກ, ຫ້ອງສະໝຸດ ສະຖາບັນຝຣັ່ງ ສືບຕໍ່ ປັບປຸງເພີ່ມຕື່ມ ພື້ນຖານດ້ານຂໍ້ມູນຂ່າວສານ ໃຫ້ມີຄວາມສົມບູນຫຼາກຫຼາຍທີ່ສຸດ ໃນແຕ່ລະປີ ແລະ ຕັ້ງໜ້າ ໃນການໃຫ້ການບໍລິການທີ່ຄ່ອງແຄ້ວວ່ອງໄວ, ທັນສະໄໝ ແລະ ໜ້າສົນໃຈ ດ້ວຍການນໍາໃຊ້ເຄື່ອງມື ແລະ ເນື້ອໃນທີ່ຈັດສັນຢ່າງລົງຕົວ.

ແຜນການຈັດງານວັດທະນະທໍາ ແລະ ການສົ່ງເສີມສີລະປິນລາວ : ກໍານົດແຜນການຈັດງານ ກອງປະຊຸມ, ການສະແດງສີລະປະດົນຕີ, ການສະແດງລະຄອນ ເປັນປະຈໍາ.ກະກຽມຈັດງານທີ່ເປັນເຫດການສໍາຄັນ : ວັນແຫ່ງການຄົ້ນຄ້ວາເພື່ອການພັດທະນາ, ບຸນແຕ້ມຮູບກາຕູນ ໃນຫົວຂໍ້ ສິ່ງແວດລ້ອມ, ບຸນດົນຕີ …

ໃຫ້ຄວາມຮ່ວມມື ແລະ ສົ່ງເສີມ ໃນການສ້າງຜົນງານ ແລະ ຈັດງານດ້ານວັດທະນະທໍາ ຂອງ ສີລະປິນລາວ ເຊັ່ນ : ບຸນການສະແດງ (Festival for Performing Arts), ບຸນມະຫາກໍາການເຕັ້ນນາໆຊາດ ຟັງແມ່ຂອງ (Festival de danse Fang Mae Khong), ຜົນງານການສະແດງລະຄອນ ເລື່ອງ : « Le songe d’une nuit de mousson »…

ປະກາດຮັບສະໝັກຜູ້ເຂົ້າຮ່ວມຮ້ອງເພງ - ງານຄອນເສີດຝຣັ່ງໂກໂຟນ
ສະຖາບັນຝຣັ່ງ ຈະຈັດງານສະແດງດົນຕີຮ້ອງເພງ ໃນວັນເສົາທີ 20 ມີນາ 2021 ຮ້ອງໂດຍນັກຮ້ອງທີ່ຮ້ອງເປັນພາສາຝຣັ່ງ ຈາກນະຄອນຫຼວງ (ແລະ ຈາກທົ່ວປະເທດລາວທັງໝົດ, ຖ້າພວກເຂົາສາມາດມາຮ່ວມນຳໄດ້!). ເພື່ອເຂົ້າຮ່ວມ, ທ່ານພຽງແຕ່ສົ່ງວີດີໂອຂອງທ່ານທີ່ກຳລັງຮ້ອງເພງຝຣັ່ງ ຫຼື ເພງຝຣັ່ງໂກໂຟນ 1 ເພງ ຫຼື ຫຼາຍກວ່ານັ້ນ, ສົ່ງມາໃຫ້ສະຖາບັນຝຣັ່ງໄດ້ທີ່ (info@if-laos.org) ກຳນົດສົ່ງກ່ອນວັນທີ 5 ເດືອນມີນາປີ 2021. ທ່ານສາມາດບັນທຶກສຽງ, ຫລື ຮ້ອງສຽງສົດໄດ້. ຄະນະກຳມະການ ຈະຄັດເລືອກເອົານັກຮ້ອງສຽງດີທີ່ສຸດ...

ງານວາງສະແດງພາຍໃຕ້ຊື່ « ສິນລະປະປັກດິ້ນ ແລະ ລາຍດອກພອກ :ຜົນງານສິນລະປະຫຼາກຫຼາຍດ້ານ ຂອງ ທ່ານ ສົມສະໜິດ »
ສະຖານເອກອັກຄະລັດຖະທູດຝຣັ່ງ ແລະ ສະຖາບັນຝຣັ່ງ ປະຈຳ ລາວ ຂໍເຊີນທຸກທ່ານເຂົ້າຮ່ວມງານວາງສະແດງ ແລະ ກິດຈະກຳຕ່າງໆ ກ່ຽວກັບ ຜົນງານສິນລະປະຂອງ ທ່ານ ສົມສະໜິດ ນັກສິນລະປະລາວ ທີ່ມີຊື່ສຽງລະດັບສາກົນ, ຊື່ງຈະຈັດຂຶ້ນຢູ່ຫຼາຍສະຖານທີ່ທາງວັດທະນະທຳ ທີ່ ນະຄອນຫຼວງວຽງຈັນ, ລະຫວ່າງວັນທີ 10 – 14 ມີນາ 2021. ທ່ານຈະໄດ້ຊື່ນຊົມຄວາມປານີດຂອງສິນລະປະປັກດິ້ນໄໝຄຳຂອງທ່ານ ສົມສະໜິດ ແລະ ການສ້າງສັນຜົນງານລາຍດອກພອກທາງພຸດທະສາດສະ ໜາຂອງແຂວງຫຼວງພະບາງ ໃນສອງງານວາງສະແດງທີ່ຈັດຂື້ນເປັນພິເສດ ດັ່ງຕໍ່ໄປນີ້...