ເຫດການດ້ານວັດທະນະທຳ

ວັດທະນະທຳເປັນວຽກງານນຶ່ງທີ່ສະຖາບັນຝຣັ່ງແນ່ເຫັນຄວາມສຳຄັນ, ເພາະນັ້ນຄືອີກນຶ່ງຮູບການໃນການເຜີຍແຜ່ ວັດທະນະທຳ ຝຣັ່ງ ໃຫ້ມະຫາຊົນໄດ້ຮັບຮູ້, ຫລື ເປັນການສ້າງໂອກາດ ໃນການປະດິດຄິດສ້າງແບບລາວໆ, ສະຖາບັນຝຣັ່ງ ນຳສະເຫນີຫລາຍຮູບແບບການສະແດງ ເຊັ່ນ : ການສະແດງ (ການເຕັ້ນ, ດົນຕີ ແລະ ລະຄອນ), ສີລະປະດ້ານຮູບພາບ.

ຮູບເງົາ : « ຮູບເງົາ ວັນອັງຄານ »: ທຸກໆວັນອັງຄານ ເວລາ 18ໂມງ30, « ຮູບເງົາສຳລັບເດັກນ້ອຍ »: ທຸກໆວັນພຸດ ເວລາ 15ໂມງ : 10 000 LAK,  ນັກຮຽນ ແລະ ສະມາຊິກຫ້ອງສະໝຸດ ຂອງ ສະຖາບັນຝຣັ່ງ ເຂົ້າຊົມໂດຍບໍ່ໄດ້ເສຍຄ່າຜ່ານປະຕູ


ປະກາດຮັບສະໝັກຜູ້ເຂົ້າຮ່ວມຮ້ອງເພງ - ງານຄອນເສີດຝຣັ່ງໂກໂຟນ
ສະຖາບັນຝຣັ່ງ ຈະຈັດງານສະແດງດົນຕີຮ້ອງເພງ ໃນວັນເສົາທີ 20 ມີນາ 2021 ຮ້ອງໂດຍນັກຮ້ອງທີ່ຮ້ອງເປັນພາສາຝຣັ່ງ ຈາກນະຄອນຫຼວງ (ແລະ ຈາກທົ່ວປະເທດລາວທັງໝົດ, ຖ້າພວກເຂົາສາມາດມາຮ່ວມນຳໄດ້!). ເພື່ອເຂົ້າຮ່ວມ, ທ່ານພຽງແຕ່ສົ່ງວີດີໂອຂອງທ່ານທີ່ກຳລັງຮ້ອງເພງຝຣັ່ງ ຫຼື ເພງຝຣັ່ງໂກໂຟນ 1 ເພງ ຫຼື ຫຼາຍກວ່ານັ້ນ, ສົ່ງມາໃຫ້ສະຖາບັນຝຣັ່ງໄດ້ທີ່ (info@if-laos.org) ກຳນົດສົ່ງກ່ອນວັນທີ 5 ເດືອນມີນາປີ 2021. ທ່ານສາມາດບັນທຶກສຽງ, ຫລື ຮ້ອງສຽງສົດໄດ້. ຄະນະກຳມະການ ຈະຄັດເລືອກເອົານັກຮ້ອງສຽງດີທີ່ສຸດ...

ງານວາງສະແດງພາຍໃຕ້ຊື່ « ສິນລະປະປັກດິ້ນ ແລະ ລາຍດອກພອກ :ຜົນງານສິນລະປະຫຼາກຫຼາຍດ້ານ ຂອງ ທ່ານ ສົມສະໜິດ »
ສະຖານເອກອັກຄະລັດຖະທູດຝຣັ່ງ ແລະ ສະຖາບັນຝຣັ່ງ ປະຈຳ ລາວ ຂໍເຊີນທຸກທ່ານເຂົ້າຮ່ວມງານວາງສະແດງ ແລະ ກິດຈະກຳຕ່າງໆ ກ່ຽວກັບ ຜົນງານສິນລະປະຂອງ ທ່ານ ສົມສະໜິດ ນັກສິນລະປະລາວ ທີ່ມີຊື່ສຽງລະດັບສາກົນ, ຊື່ງຈະຈັດຂຶ້ນຢູ່ຫຼາຍສະຖານທີ່ທາງວັດທະນະທຳ ທີ່ ນະຄອນຫຼວງວຽງຈັນ, ລະຫວ່າງວັນທີ 10 – 14 ມີນາ 2021. ທ່ານຈະໄດ້ຊື່ນຊົມຄວາມປານີດຂອງສິນລະປະປັກດິ້ນໄໝຄຳຂອງທ່ານ ສົມສະໜິດ ແລະ ການສ້າງສັນຜົນງານລາຍດອກພອກທາງພຸດທະສາດສະ ໜາຂອງແຂວງຫຼວງພະບາງ ໃນສອງງານວາງສະແດງທີ່ຈັດຂື້ນເປັນພິເສດ ດັ່ງຕໍ່ໄປນີ້...