ສະຖາບັນຝຣັ່ງ ປະຈໍາລາວ

iflaos-batiment
ສໍານັກງານໃຫຍ່ ສະຖາບັນຝຣັ່ງ ຕັ້ງຢູ່ ນະຄອນຫຼວງວຽງຈັນ ແລະ ຫ້ອງການ ສູນວັດທະນະທໍາ ທີ່ ແຂວງຫຼວງພະບາງ.

ສ້າງຕັ້ງ ໂດຍຂື້ນກັບ ສະຖານທູດ ໃນນາມພະແນກພາສາສາດ, ແລະ ໄດ້ຖືກປະກາດເປັນ ສູນພາສາຝຣັ່ງ ໃນ ວັນທີ 14 ມັງກອນ 1994, ໂດຍ ທ່ານເຈົ້າຄອງ ນະຄອນຫຼວງປາຣີ ທ່ານ ຊັກເກີ ຊີຣັກ.ມາຮອດ ເດືອນມັງກອນ 1995, ໄດ້ກາຍມາເປັນ ອົງການຈັດຕັ້ງທີ່ກຸ້ມຕົນເອງດ້ານການເງິນ ໃນນາມ “ສູນວັດທະນະທໍາ ແລະ ການຮ່ວມມືດ້ານພາສາສາດ”.ຫຼັງຈາກປ່ຽນ ມາເປັນ ສະຖາບັນຝຣັ່ງ, ກໍ່ຍັງສືບຕໍ່ ມີບົດບາດສໍາຄັນ ໃນວຽກງານ ການຮ່ວມມືດ້ານວັດທະນະທໍາ ແລະ ມະຫາວິທະຍາໄລ ຝຣັ່ງ ທີ່ ສປປ ລາວ.

ການເຄື່ອນໄຫວກິດຈະກໍາ ຂອງ ສະຖາບັນຝຣັ່ງ ແມ່ນ ປິ່ນອ້ອມໃນ 3 ຂົງເຂດວຽກງານໃຫຍ່ :

ການສອນພາສາ : ຫຼັກສູດສອນພາສາທີ່ຫຼາກຫຼາຍ : ພາສາຝຣັ່ງ, ພາສາລາວ ແລະ ພາສາອັງກິດ.ສະຖາບັນຝຣັ່ງ ສາມາດຕ້ອນຮັບ ນັກຮຽນ ໄດ້ຫຼາຍກ່ວາ 2000 ຄົນໃນແຕ່ລະປີ. ສະຖານທີ່ຮຽນ ຕັ້ງຢູ່ ສໍານັກງານໃຫຍ່ ຖະໜົນລ້ານຊ້າງ, ທີ່ ສູນວັດທະນະທໍາ ລາວ-ຝຣັ່ງ ແຂວງຫຼວງພະບາງ ແລະ ທີ່ ສູນກິດຈະກໍາຝຣັ່ງໂກໂຟນ ວິທະຍາເຂດດົງໂດກ.

ຫ້ອງສະໝຸດ : ເປັນສູນລວມປຶ້ມ ຫຼາຍກ່ວາ 25000 ຫົວ, ວາລະສານ, ດີວີດີ, ຊີດີ ແລະ ປຶ້ມອ່ານເອເລັກໂຕລນິກ, ຫ້ອງສະໝຸດ ສະຖາບັນຝຣັ່ງ ສືບຕໍ່ ປັບປຸງເພີ່ມຕື່ມ ພື້ນຖານດ້ານຂໍ້ມູນຂ່າວສານ ໃຫ້ມີຄວາມສົມບູນຫຼາກຫຼາຍທີ່ສຸດ ໃນແຕ່ລະປີ ແລະ ຕັ້ງໜ້າ ໃນການໃຫ້ການບໍລິການທີ່ຄ່ອງແຄ້ວວ່ອງໄວ, ທັນສະໄໝ ແລະ ໜ້າສົນໃຈ ດ້ວຍການນໍາໃຊ້ເຄື່ອງມື ແລະ ເນື້ອໃນທີ່ຈັດສັນຢ່າງລົງຕົວ.

ແຜນການຈັດງານວັດທະນະທໍາ ແລະ ການສົ່ງເສີມສີລະປິນລາວ : ກໍານົດແຜນການຈັດງານ ກອງປະຊຸມ, ການສະແດງສີລະປະດົນຕີ, ການສະແດງລະຄອນ ເປັນປະຈໍາ.ກະກຽມຈັດງານທີ່ເປັນເຫດການສໍາຄັນ : ວັນແຫ່ງການຄົ້ນຄ້ວາເພື່ອການພັດທະນາ, ບຸນແຕ້ມຮູບກາຕູນ ໃນຫົວຂໍ້ ສິ່ງແວດລ້ອມ, ບຸນດົນຕີ …

ໃຫ້ຄວາມຮ່ວມມື ແລະ ສົ່ງເສີມ ໃນການສ້າງຜົນງານ ແລະ ຈັດງານດ້ານວັດທະນະທໍາ ຂອງ ສີລະປິນລາວ ເຊັ່ນ : ບຸນການສະແດງ (Festival for Performing Arts), ບຸນມະຫາກໍາການເຕັ້ນນາໆຊາດ ຟັງແມ່ຂອງ (Festival de danse Fang Mae Khong), ຜົນງານການສະແດງລະຄອນ ເລື່ອງ : « Le songe d’une nuit de mousson »…

ການບໍລິຈາກເປຍໂນໂດຍ ທ່ານນາງ ແລະ ທ່ານ Timothy Edwards ໃຫ້ສະຖາບັນຝຣັ່ງ
ວັນທີ 12 ກໍລະກົດ ປີ 2021, ທ່ານ Timothy Edwards, ຜູ້ຮັບຜິດຊອບຫ້ອງການສະຖານທູດການາດາ ປະຈຳລາວ, ແລະ ພັນລະຍາ ໄດ້ບໍລິຈາກເປຍໂນຂອງພວກເຂົາໃຫ້ສະຖາບັນຝຣັ່ງ. ກ່ອນທີ່ຈະໄປຈາກປະເທດລາວ ບ່ອນທີ່ພວກເຂົາອາໄສຢູ່ຢ່າງສວຍງາມເປັນເວລາສາມປີ, ທ່ານນາງ & ທ່ານ Edwards ໄດ້ຕັດສິນໃຈມອບເປຍໂນ Baldwin ທີ່ຜະລິດຈາກປະເທດອາເມລິກາ, ເຊິ່ງຈະຊ່ວຍໃຫ້ບັນດານັກເປຍໂນ ໃນນະຄອນຫຼວງວຽງຈັນ, ຜູ້ເລີ່ມຕົ້ນຮຽນ ຫຼື ຜູ້ທີ່ມີປະສົບການ ໄດ້ຫຼີ້ນເຄື່ອງດົນຕີນີ້ ແລະ ເຮັດໃຫ້ດົນຕີມີຊີວິດຊີວາ....

"ຝຣັ່ງທາສຕິກ" / "FRANTASTIQUE"
ສະຖາບັນຝຣັ່ງ ປະຈຳລາວ ແລະ ຝຣັ່ງທາສຕິກ (Frantastique) ພູມໃຈນຳສະເໜີໃຫ້ທ່ານຮຽນຟຣີໜຶ່ງ ເດືອນ (ໂດຍບໍ່ມີຂໍ້ຜູກມັດ) ເພື່ອພັດທະນາລະດັບພາສາຝຣັ່ງຂອງທ່ານ : ການຮຽນແມ່ນທ່ານຈະໄດ້ຮັບ ຂໍ້ຄວາມທາງອີເມວຕໍ່ມື້ ເພື່ອຮຽນ : ການສະກົດຄຳ, ໄວຍາກອນ ແລະ ທັກສະການຂຽນ, ເປັນການຮຽນ ແບບມ່ວນຊື່ນ ວອງໄວທັນໃຈ ແລະ ເປັນສ່ວນຕົວ ! ສາມາດໃຊ້ໄດ້ກັບ ຄອມພິວເຕີ, ແທັບເລັດ, ໂທລະສັບ ທ່ານສາມາດພັດທະນາລະດັບພາສາຝຣັ່ງຂອງທ່ານໄດ້ເພາະມີການສິດສອນທີ່ແທດເໝາະ ແລະ...

ຮຽນພາສາຝຣັ່ງອອນລາຍ
ມາພົບກັບບັນດາອາຈານຂອງສະຖາບັນຝຣັ່ງທາງຫຼັກສູດອອນລາຍ.  ທ່ານຍັງສາມາດສະໝັກໄດ້ສຳລັບລະດັບເລີ່ມຕົ້ນ ແລະ ລະດັບກາງ. ການຮຽນແມ່ນ 40 ຊົ່ວໂມງຕໍ່ເທີມ ແລະ ຊຳລະຄ່າຮຽນຜ່ານບັນຊີທະນາຄານໄດ້ເລີຍ. ຂໍ້ມູນເພີ່ມເຕີມສາມາດຕິດຕໍ່ : ວ້ອດແອັບ 020 5594 4819 ຫຼື ເມວ accueil@if-laos.org        

ຄອສຮຽນພາສາຝຣັ່ງສຳລັບເດັກນ້ອຍ
ຄອສຮຽນພາສາຝຣັ່ງສຳລັບເດັກນ້ອຍ, ເລີ່ມຮຽນວັນເສົານີ້, ມາຮຽນນຳກັນທາງອອນລາຍເດີ້! ການຮຽນແມ່ນ 40 ຊົ່ວໂມງຕໍ່ເທີມ ແລະຊຳລະຄ່າຮຽນຜ່ານບັນຊີທະນາຄານໄດ້ເລີຍ. ຂໍ້ມູນເພີ່ມເຕີມສາມາດຕິດຕໍ່: ວ້ອດແອັບ 020 5594 4819 ou accueil@if-laos.org

ຄອສຮຽນພາສາຝຣັ່ງສຳລັບໄວໜຸ່ມ
ເຈົ້າຢາກເວົ້າພາສາຝຣັ່ງບໍ່? ວິເສດແທ້! ສະຖາບັນຝຣັ່ງມີຫຼັກສູດການຮຽນທາງອອນລາຍ ເລີ່ມ ແຕ່ວັນທີ່ 25 ກັນຍາເປັນຕົ້ນໄປ. ການຮຽນແມ່ນ 40ຊົ່ວໂມງຕໍ່ເທີມ ແລະ ຊຳລະຄ່າຮຽນຜ່ານ ບັນຊີທະນາຄານໄດ້. ລົງທະບຽນໄດ້ເລີຍ ! ຂໍ້ມູນເພີ່ມເຕີມສາມາດຕິດຕໍ່: ວ້ອດແອັບ 020 5594 4819 ຫຼື ເມວ accueil@if-laos.org

1 2 3